რა არის თქვენთვის პოეზია? რომელიმე ლექსი გაიხსენეთ, რომლის განწყობაც ახლა გაქვთ...მერე? რა არის მთელი ეს ჯადოსნური სამყარო? ალბათ, ამ კითხვაზე პასუხი ყველას ან თითქმის ყველას აქვს. როდესაც გიყვარს პოეზია, შეიძლება თეზისებად ჩამოწერილი არა, მაგრამ რაღაც არგუმენტი ალბათ მოგეპოვება, რაიმე ნიშნების გამოყოფა შეგიძლია...მე არ ვიცი. არც ის ვიცი ლექსი რა არის, არც ის ვიცი განწყობას რა მოაქვს. ძალიან დიდხანს მეგონა რომ ეს ჩვეულებრივი მოვლენაა, რომ რითმებს სწორედაც ასე უნდა ექუხათ ცხოვრებაში. ახლა დავფიქრდი...ზოგის ცხოვრებაში ერთი სტრიქონიც არაა და მაინც უყვართ...პოეზია .. :) ნელ-ნელა ბურუსი იფანტება, ხანდახან ძალიანაც ცხადად ჩანს ყველაფერი უკვე და... ახალი „რატომ?“ ჩნდება, გაუბედავი, საკუთარ თავში დაურწმუნებელი, თავსდატეხილი რითმებისაგან დაბნეული „რატომ?“...ისევ ბურუსია, ორი წინადადების დასაწერად მეყო მხოლოდ გაყუჩება. ასეთ ცას ვუცქერ მუდამ ჩემი წარმოსახვის სამყოფელის წარმოსახული შუშის სახურავს მიღმა...ეს ცქერაა ჩემი პოეზია
0 comments:
Post a Comment